Botë
Viti i Ri në metropolet evropiane, viti 2025 do të mirëpritet nga ishujt Kiribati
31.12.2024 10:52
Banorët e kombit ishullor të Paqësorit të Kiribatit do të jenë të parët që do të mirëpresin Vitin e Ri...
Banorët e kombit ishullor të Paqësorit të Kiribatit do të jenë të parët që do të mirëpresin Vitin e Ri (në orën 11:00 me orën e Maqedonisë së Veriut) dhe në vitin 2025, Ishulli Amerikan Baker do të jetë i fundit që do të hyjë, 26 orë më vonë (më 1 janar në orën 13:00 sipas kohës së Maqedonisë së Veriut).
Në Nju Jork vizitorët do të mund të shkruajnë sekretet e tyre në murin e dëshirave për natën e Vitit të Ri, por edhe për herë të fundit të shohin topin tradicional të dritës me mbi 16 milionë ngjyra në Times Square.
Edhe Britania e Madhe është gati për natën më të çmendur. Mbi 10.000 fishekzjarrë janë planifikuar për festimet para Syrit të Londrës dhe ritmin tradicional të Big Ben-it që do të çojë në minutën e fundit të vitit të vjetër.
Miliona njerëz pritet të ketë në rrugën e Vitit të Ri në Vjenë.
“Policia do të bëjë gjithçka për sigurinë e njerëzve në këtë qytet, sidomos sonte. Do të ketë zero tolerancë për protestuesit, fishekzjarrët dhe të ngjashme. Tashmë janë bërë përgatitje të gjera.”, tha ministri i Brendshëm i Austrisë, Gerhard Karner.
Tradita nuk shuhet edhe në Ukrainë. Pavarësisht luftës, një grup vullnetarësh arritën të sjellin gëzime festash në shtëpi. Është e vështirë të gjesh shpresë në vitin që po kalon, pranon sekretari i Përgjithshëm i OKB-së, por premton një të ardhme më paqësore dhe të qëndrueshme për të gjithë.