Francë, ekstremisti Le Pen përpara komisionit disiplinor

Dënimi për themeluesin e partisë franceze të ekstremit të djathtë, Fronti Kombëtar, nuk është caktuar ende. 

 

Vendimi do të hidhet në diskutim, ndërsa  anëtarët e komisionit kanë kërkuar të dëgjojnë më parë argumentet mbrojtëse të Le Pen, i cili disa javë më parë i quajti dhomat e gazit të nazisteve thjesht “detaje” të Luftës së Dytë Botërore. 

 

Këto komente e vunë 86-vjeçarin edhe përballë të bijës së tij, Marine, kryetarja aktuale e Frontit Kombëtar, e cila po përpiqet ta transformojë këtë lëvizje nga një parti anti-emigracionit në një alternativë të preferuar prej votuesve në presidencialet e 2017-s.