31 dhjetori, afati i fundit për vlefshmërinë e lejeve për vozitje

 

“Po, unë e kam ndërruar me kohë.”, - tha një qytetar.

 

“Po, ka një vit që e kam ndërruar.”, - tha një qytetar tjetër.

 

“Po, e kam ndërruar para kohe, e kam ndërruar unë.”, - u shpreh një qytetar. 

 

“Momentalisht nuk kam leje për vozitje, bashkëshortja ka, por se di nëse e ka ndërruar.”, - u shpreh një qytetar tjetër. 

 

Para punktit në stacionin policor “Proleçe,” ku qytetarët fotografohen për lejet e vozitjes, nuk ka njerëz pasi që në ditën e fundit të vitit nuk ka termine të caktuara për dhënien e lejeve të vozitjes, sepse shumica e qytetarëve tashmë i kanë ndërruar dokumentet e tyre personale. Sipas të dhënave nga MPB-ja, mbeten rreth 150 mijë leje vozitjeje që duhet të zëvendësohen me ato të reja.

 

“Numri i lejeve për vozitje me emrin e ri kushtetues është mbi 800 mijë. Ministria e Punëve të Brendshme rikujton qytetarët se vlefshmëria e lejeve për vozitje me emrin e vjetër kushtetues në përputhje me ndryshimin e ligjit për siguri në komunikacion është deri më datë 30 dhjetor.”, - theksoi zëdhënësi i MPB-së, Goce Andreevski.

 

Afati për ndërrimin e lejeve të vozitjes me emrin e ri kushtetues, në përputhje me Marrëveshjen e Prespës me Greqinë, tashmë ishte zgjatur një herë në shkurt dhe përfundon më 31 dhjetor.