SPB Tetovë jep detaje për rastin ku babai dyshohet se vrau të birin

SPB Tetovë ka dhënë informacion zyrtar lidhur me ngjarjen tragjike që ndodhi në këtë qytet të rajonit të Pollogut.

Sipas autoriteteve, 39-vjeçari S.N., i cili jetonte vetëm me babanë e tij, është gjetur pa shenja jete në shtëpinë e tij.

Në vendin e ngjarjes, është gjetur edhe një pushkë gjuetie, ndërsa viktima ka pasur plagë të rënda në kokë. Hetimet për të zbardhur rrethanat e ngjarjes janë ende në zhvillim.

Ndërkohë në njoftimin zyrtarë, SPB Tetovë, shkruan: “Sot (02.01.2025) rreth orës 18:50 në Tetovë, personi S.N. (39) është gjetur në shtëpinë e tij pa shenja jete, me plagë me armë zjarri në kokë. S.N. ka jetuar vetëm me babain e tij, i cili është gjetur pa ndjenja dhe nga ana e Emergjencës Mjekësore është dërguar në Qendrën Urgjente të Tetovës. Në dhomën ku është gjetur S.N. është gjetur një pushkë gjuetie. Në koordinim me prokurorin publik po merren masa për zbardhjen e rastit”.