Bullgari, formimi i Qeverisë, Radevi jep shans shtesë para dorëzimit të mandatit

 

“Në këtë situatë unë do të jap më shumë kohë, disa ditë me shpresën se negociatorët do të kuptojnë se përgjegjësia e tyre nuk është vetëm para votuesve të tyre, por para mbarë popullit bullgar. Apeloj deri tek partitë politike të ndalojnë të luajnë me fatin e popullit dhe ardhmërinë e shtetit. Është e papërgjegjshme që liderët të hedhin shtetin në zgjedhje të reja.”, - deklaroi presidenti i Bullgarisë, Rumen Radev.

 

Edhe pse dukej se katër partitë në Bullgari, GERB-i, Bullgaria Demokratike, BSP-ja dhe ITN-ja ishin një hap para marrëveshjes, gjatë fundjavës gjithçka dështoi, pas mos dakordimit për kryeministrin e ardhshëm. Kundërshtimi është shfaqur nga partia Bullgaria Demokratike, pasi ata nuk pajtohen që Qeverinë e re ta drejtojë Rosen Zheljaskovi, i cili shquhet si një ndër personat më të besueshëm të Bojko Borisovit. Nominimi i Zheljaskovit për kryeministër vjen i dyti, pasi Bullgaria Demokratike herën e parë refuzoi Bojko Borisovin për kryeministër.