Botë
Tërmet 7.1 ballë goditi Tibetin, 1.500 shpëtimtarë i kërkojnë të mbijetuarit
07.01.2025 15:25
Një tërmet shkatërrues me magnitudë 7.1 goditi Tibetin, një prej qyteteve më të shenjta, Shigatse...
Një tërmet shkatërrues me magnitudë 7.1 goditi Tibetin, një prej qyteteve më të shenjta, Shigatse. Numri i viktimave dhe të lënduarve është në rritje e sipër. Rreth 1.500 shpëtimtarë, përfshirë Forcën Ajrore Kineze, janë vendosur për të kërkuar të mbijetuarit nën rrënoja, tha Ministria e Emergjencave të Kinës. Sipas mediave shtetërore kineze, shumë ndërtesa dhe shtëpi u shkatërruan. Epiqendra e tërmetit ishte rreth 75 kilometra në verilindje të malit Everest. Lëkundjet u ndjenë edhe në Katmandu, kryeqyteti i Nepalit fqinj, si dhe në disa pjesë të Indisë. Rreth 50 pasgoditje u regjistruan në tre orët pas tërmetit dhe zona skenike e malit Everest në anën kineze u mbyll.
“Gazetarët e Shërbimit të Lajmeve të Kinës janë në autostradën Lasa-Shigatse dhe përballë nesh, një mjet komunikimi kombëtar i urgjencës po shkon drejt zonës së tërmetit. Ne pamë gjithashtu shumë kamionë zjarrfikës që furnizoheshin me karburant në rrugë, dhe ata ishin plotësisht të ngarkuar dhe gati për të shkuar. Përveç kësaj, administrata lokale e transportit raportoi gjithashtu se disa nga rrugët në zonën e tërmetit u shkatërruan gjithashtu.”, - deklaroi reporterja, Unsang Lamo.
Presidenti kinez, Xi Jinping, ka urdhëruar dërgimin e të gjitha forcave të ndihmës dhe mbështetjes në Tibet. Ai bëri thirrje gjithashtu për parandalimin e fatkeqësive, strehimin e duhur të banorëve të prekur dhe menaxhimin efektiv të pasojave të tërmetit, si dhe e gjithë pjesa jugperëndimore e Kinës, Nepali dhe India veriore shpesh preken nga tërmetet e shkaktuara nga përplasja e tërmetit, pllakën tektonike indiane dhe euroaziatike. Një tërmet i madh në provincën Sicuan të Kinës në vitin 2008 vrau dhjetëra mijëra njerëz, ndërsa një tërmet me magnitudë 7.8 goditi Katmandun në 2015, duke vrarë rreth 9.000 njerëz.
FLUTRA LATIFI