VLEN: Kërkojmë nga BDI-ja të përjashtojë Grubin

 

“Kërkojmë që BDI-ja të marrë vendim formal për përjashtimin e Artan Grubit nga anëtarësia partiake. Deklaratat e deritanishme të Ali Ahmetit dhe Bujar Osmanit për parimin dhe transparencën kanë mbetur vetëm fjalë boshe. I bëjmë thirrje që të ndërmarrin hapa konkretë që do të dëshmojnë se premtimet dhe angazhimet e tyre janë reale dhe se nuk do të lejojnë asnjë dyshim për veprimtari kriminale që të njollosë reputacionin dhe të ardhmen e shqiptarëve në Maqedoninë e Veriut.”, thuhet në komunikatën e koalicionit VLEN.

 

 

Nga VMRO-DPMNE-ja ngrenë akuzat ndaj LSDM-së për përkrahje të Grubit përgjatë veprimtarisë, siç thonë ata kriminale, pasi edhe me arratisjen e tij, socialdemokratët nuk janë distancuar nga Grubi.

 

“LSD-ja nëse seriozisht dëshiron të jetë një aktor i shoqërisë, do të duhet të kërkojë falje përse kanë lejuar Grubin dhe gjatë qeverisjes së tyre nuk kanë ngritur procedurë para organeve përgjegjëse. Menjëherë pas kësaj do të duhej të thërriteshin zyrtarë e tyre të cilët kishin lejuar atë. Në fakt për shkak të personave sikurse Grubi dhe shumë të tjerë nga radhët e LSD-së dhe BDI-së, miratuan ndryshimet në kodin penal, duke shpëtuar shumë kriminelë.”, - theksoi Brane Petrushevski nga VMRO-DPMNE.

 

 

Kryetari i LSDM-së, Venko Filipçe, në intervistën për gazetën “I pavarur” (“Nezavisen”) është shprehur se distancohen nga BDI-ja, gjegjësisht stigma e korrupsionit që ndër vitesh kanë mbartur integristët. Filipçe madje refuzon bashkëpunim me BDI-në.