Kuvend, konstituohet Klubi i deputeteve

 

“Para nesh ndodhen shumë sfida, sidomos në pjesën e avancimit të të drejtave të grave, si dhe përballjen me gjuhën e urrejtjes, sidomos ndaj grave në politikë.”, - deklaroi kryetarja e Klubit të deputeteve, Jovana Trençevska.

 

Klubi i deputeteve pasqyron angazhimin e Kuvendit për promovimin e barazisë gjinore, deklaroi kryeparlamentari, Afrim Gashi. Ai theksoi se lufta për barazi gjinore duhet të jetë një angazhim i përbashkët i gjithë shoqërisë, përfshirë burrat, gratë, institucionet dhe organizatat, pasi vetëm një shoqëri që garanton barazinë gjinore mund të jetë e zhvilluar dhe demokratike.

 

“Vetëm duke u angazhuar së bashku mund të krijojmë një shoqëri, ku çdo individ, pa marrë parasysh gjininë, ka mundësi të barabarta dhe respektohet për kontributin e saj apo të tij.”, - theksoi  kryetari i Kuvendit, Afrim Gashi.

 

Gashi e inkurajoi këtë organ që në aktivitetet dhe angazhimet e ardhshme për avancimin e të drejtave dhe forcimin e demokracisë, të përfshijë sa më shumë burra, qofshin deputetë, ekspertë apo qytetarë të thjeshtë, pasi kontributi i tyre mund të jetë i madh për institucion ligjvënës që do të promovojë barazi dhe drejtësi.