Botë
Marrëveshja e armëpushimit në Gazë, Hamasi pritet të lirojë 33 pengje
14.01.2025 09:09
Në Doha pritet te realizohet takimi i shumëpritur për t’i dhënë fund konfliktit në Gazë....
Në Doha pritet te realizohet takimi i shumëpritur për t’i dhënë fund konfliktit në Gazë. Palët negociatore pritet që të finalizojnë detajet e planit pasi presidenti amerikan, Xho Bajden, tha se armëpushimi dhe lirimi i pengjeve që ai ka mbrojtur ishte në prag të realizimit.
Ndërmjetësuesit i dhanë Izraelit dhe Hamasit një draft përfundimtar të një marrëveshjeje të hënën, në bisedimet ku morën pjesë të dërguarit e presidentit në largim të ShBA-së dhe presidentit të zgjedhur, Donald Tramp.
Gjatë fazës së parë të marrëveshjes së armëpushimit që po finalizohet nga negociatorët në Doha, Hamasi pritet të lirojë 33 pengje, thanë dy zyrtarë izraelitë.
Hamasi dhe aleatët e tij ende mbajnë 94 nga 251 pengjet e marra nga Izraeli dhe sipas qeverisë izraelite, 34 prej tyre janë të vdekur. Nëse do të jetë e suksesshme, marrëveshja e armëpushimit do të mbyllte mbi një vit bisedime të fillimit dhe ndalimit dhe do të çonte në lirimin më të madh të pengjeve izraelite që nga ditët e para të konfliktit, kur Hamasi liroi rreth gjysmën e të burgosurve të tij në këmbim të 240 të burgosurve palestinezë të mbajtur nga Izraeli.