Të punësuarit në MKT protestojnë për rritjen e pagave

 

“Jemi këtu para Ministrisë së Kulturës për të shprehur pakënaqësinë tonë prej të ardhurave të ulëta mujore që marrim. Dua t’ju informoj se pagat e rreth 70 për qind të të punësuarve në këtë ministri janë nën nivelin e pagës mesatare në vend, ndërsa diferenca e pagës me të punësuarit e tjerë në të njëjtat pozita në organet tjera shtetërore është 30 për qind. Sindikata e të punësuarve pranë Ministrisë së Kulturës që para dy vitesh ka përpiluar një propozim të marrëveshjes kolektive, i cili parasheh rritje objektive dhe korrekte të pagave prej 30 për qind.”, - deklaroi kryetari i Organizatës Sindikale në MKT, Branko Kostovski.

 

“Kërkesat janë të njëjta, andaj u bëjmë thirrje përfaqësuesve të Qeverisë dhe të ministrive që sa më parë t’i fillojmë negociatat, ku do të gjejmë gjuhë të përbashkët për këtë problem.”, - theksoi kryetari i SPOGJ-it, Tërpe Deanovski.

 

Të punësuarit në Ministrinë e Kulturës edhe në vitin 2023 protestuan  rreth 21 ditë me radhë për të njëjtin qëllim, të nënshkruhet marrëveshja e re kolektive, me çka do të rriten edhe pagat e të punësuarve, mirëpo prej atëherë e deri më sot, thanë sindikalistët, ende nuk janë aprovuar kërkesat e tyre. Për këtë arsye protestat e sindikatës së punëtorëve nga administrata, organet gjyqësore dhe shoqatat e qytetarëve do të organizohen çdo ditë deri në plotësimin e kërkesave të tyre.