Tiranë, 14 vite nga protesta e dhunshme e 21 janarit

 

Në bulevardin “Dëshmorët e Kombit” familjarët kujtuan të afërmit që humbën jetën padrejtësisht, ndërsa merrnin pjesë paqësisht në një protestë kundër pushtetit të Sali Berishës. Në krah të familjarëve e në mungesë të kryeministrit Rama, qëndronte zëvendëskryeministrja, Belinda Balluku; kryetarja e Kuvendit, Elisa Spiropali; ministra e deputetë.

 

Rama e ndau mesazhin nga Zvicra ku po merr pjesë në forumin ekonomik të Davosit.

 

“Drejtësia vonon po nuk harron”, thotë populli dhe sot kush po e vonon drejtësinë për 21 janarin, nuk duhet të harrojë se fëmijët e dëshmorëve po bëhen prindër duke pritur drejtësinë.”, - theksoi kryeministri i Shqipërisë, Edi Rama.

 

Thirrjet për drejtësi i përsëritën në rrjetet sociale edhe zyrtarë të tjerë, të cilët bashkë me mesazhin shpërndajnë edhe atë që konsiderohet prova më e madhe e SPAK-ut, audiokomunikimin e Gardës së Republikës, 21 janarin e përgjakshëm të 14 viteve më parë.

 

 

Vetë Berisha akuzoi Ramën se po e përdor këtë fatkeqësi për hetim politik.