Kompania Energjetike, EVN, simpozium kushtuar menaxhmentit energjetik

Në simpoziumin e sotëm të organizuar nga EVN-Maqedoni për menaxhmentin energjetik, mbi 50 kompani patën mundësi të njihen me mundësitë e menaxhmentit energjetik, me çka mundësohet efikasitet më i madh gjatë punës dhe ulje e shpenzimeve të energjetikës.

 

Me implementimin e menaxhmentit energjetik, kompanitë do t’i ulin shpenzimet e energjisë elektrike për 30%, vlerësojnë nga EVN.

 

“Kur bëjmë fjalë për menaxhmentin energjetik si mjet, duhet të llogarisim se kompanitë do të kursejnë rreth 30% të llogarisë përfundimtare të energjisë elektrike”- deklaroi menaxheri i EVN-së, Niko Berberu.

 

“Poenta e menaxhmentit energjetik është që të ulen shpenzimet e kompanive. Me uljen e shpenzimeve duam të shënojmë efikasitet më të madh të kompanive, ndërsa me rritjen e efikasitetit do të rritet konkurrenca”- tha menaxheri i EVN-së, Markus Brandshteter.

 

Në simpoziumin e sotëm u prezantuan edhe benefitet e menaxhmentit energjetik të kompanive, të cilët veç më implementojnë menaxhmentin energjetik në punën e tyre.