Vazhdon këmbimi i pengjeve: Izraeli liroi 200 të burgosur, Hamasi, 4 ushtarë

 

Militantët e Hamasit – grupit të shpallur terrorist nga SHBA dhe BE – së pari i parakaluan ato nëpër “Sheshin Palestinez” në qendër të qytetit Gaza, para se t’i dorëzonin te Kryqi i Kuq, i cili i dërgoi ato më pas në Izrael.

 

Ndërkohë, Izraeli i liroi 200 të burgosur palestinezë, të cilët nuk do të lejohen të kthehen në Rripin e Gazës apo në Bregun Perëndimor, sipas televizionit shtetëror egjiptian, Qahera TV, i cili tha se ata mbërritën në pjesën egjiptiane të pikëkalimit kufitar të Gazës, Rafah.

 

Egjipti shërbeu si ndërmjetës kyç në bisedimet mbi njëvjeçare që çuan në marrëveshjen e armëpushimit.