Institucionet energjetike, takim koordinues rreth tregut të energjisë

 

“Duam ta përforcojmë berzën tonë, e cila ekziston nga data 10 maj 2023. Siç e dini, shumë institucione shtetërore marrin energji elektrike dhe duam që berza jonë të jetë shembull për çmimet me të cilat do të tregtohet energjia elektrike.”, - deklaroi ministrja e Energjisë, Minierave dhe Burimeve Minerale, Sanja Bozhinovska. 

 

“Rreth 20 për qind e konsumit të Energjisë Elektrike tregtohet përmes berzës së Maqedonisë apo rreth 63 për qind e energjisë elektrike që shitet është prodhim vendor. Dhe me plot gojë mund të them se Berza e Maqedonisë është berza referuese dhe se indeksimi i çmimit për tregtinë e energjisë elektrike do të ofrojë fleksibilitet, transparencë, ulje të rrezikut, por edhe konkurrimin në tregjet e energjisë elektrike.”, - deklaroi menaxheri i MEMO-s, Zoran Gjorgjievski.

 

Sipas të dhënave të Entit Shtetëror të Statistikës, për muajin nëntor të këtij viti në krahasim me muajin e njëjtë të një viti më parë, importi i Energjisë Elektrike është rritur për 51 për qind, ndërsa rritje për 27 për qind ka shënuar edhe eksporti i Energjisë Elektrike. Konsumi i përgjithshëm, sipas llojeve të energjisë për muajin nëntor të vitit 2024, arrin në 657 489 МWh energji elektrike. Prodhimi i brendshëm bruto i energjisë elektrike merr pjesë me 82.3% në konsumin e brendshëm bruto të energjisë elektrike, ndërsa 99.8% e konsumit të përgjithshëm të thëngjillit përdoret për prodhimin e energjisë elektrike.