Mickoski komenton deklaratën e Taravarit: S’kam qenë kundër korridorit 8

 

“As nuk kam qenë kundër korridorit 8, ndërkaq, po, kam qenë kundër Marrëveshjes së Prespës dhe e vërtetë është se kur në rrugë të sforcuar u detyruan deputetët të nënshkruajnë për ndryshimet kushtetuese dhe që kur kjo u bë realitet, prej kur ishim në opozitë para 4 -5 viteve kam thënë se nuk mund ta injorojmë realitetin, por, asnjëherë nuk kam qenë kundër korridorit 8.”, - deklaroi kryeministri, Hristijan Mickoski.

 

 

Kur jemi te ndryshimet kushtetuese, Mickoski sërish me qëndrimin se kjo mund të bëhet vetëm sipas propozimit me efekt të prolonguar, të cilën si të tillë e ka paraqitur në programin e zgjedhur para elektoratit.

 

“Ne mund të bisedojmë për ndryshimet kushtetuese, por njëkohësisht mund të bisedojmë edhe për çështje të tjera, të cilat ne i kërkojmë e që janë pjesë e programit zgjedhor të VMRO-DPMNE-së, pas së cilës qëndruan më shumë se gjysmë milionë qytetarë dhe unë s’kam ndërmend të zhvendosem asnjë milimetër nga ajo që kam thënë dhe e them: duam zgjidhje, zgjidhje dinjitoze dhe zgjidhjen dinjitoze e kemi në tavolinë dhe ajo është - ndryshime kushtetuese me efekt juridik të prolonguar.”, - theksoi kryeministri, Hriatijan Mickoski.

 

Ndërkohë deklarata e Taravarit për ndryshimet kushtetuese është komentuar nga oponenti i tij partiak, Arbër Ademi. E quan gënjeshtare koalicionin shqiptar të Mickoskit, sepse nuk i është përmbajtur premtimeve parazgjedhore, ku mes tjerash, sipas Ademit kanë thënë se  ndryshimet kushtetuese do të jenë parakusht për t’u bërë pjesë e Qeverisë.