Shtabi politik i BDI-së në Çair, VLEN: Osmani sikurse Grubi, partia po shkatërrohet

 

“BDI non grata mund të hapë edhe shumë shtabe të tjera, por nuk mund të ndryshojë faktin që kjo parti është e kalbur nga brenda dhe ka humbur besimin e shqiptarëve. Pra, nga BDI-ja ditë e më shumë po largohen aktivistë, votues e funksionarë. E për të qenë edhe më ironik ky veprim, personi që ka iniciuar hapjen e këtij shtabi dyshohet për korrupsion të thellë. Pra, kjo ngjarje e udhëhequr nga Bujar Osmani, një figurë e diskredituar dhe i përfshirë në skandalin “Pacienti”, bëhet simbol i dështimit dhe i krizës morale të kësaj partie. Për më tepër, lidhja e ngushtë e Bujar Osmanit me Artan Grubin e listës së zezë, një tjetër figurë të kontestuar brenda BDI-së non grata, e thellon më tej këtë krizë.", thonë nga VLEN. 

 

Ndërkohë me shtabin Politik në Çair të hapur ditë më parë, do të udhëheqë ish-ministri i Punëve të Jashtme, Bujar Osmani. Sipas BDI-së, shtabi politik është themeluar si përgjigje ndaj sfidave dhe padrejtësive që i krijoi pushteti. Themelimi i shtabit politik në Çair është një akt që shkon përtej një fushate zgjedhore – është një thirrje për bashkim dhe veprim, vlerësojnë nga BDI.