Bojkoti i marketeve, Mickoski me mirëkuptim ndaj konsumatorëve

 

 

“Kur t’i parashtroni të gjitha, atëherë duhet vënë gishti në kokë dhe si Qeveri të mendoni se çfarë po bëni dhe si njeri është e logjikshme të shpreh mirëkuptim për veprimin e qytetarëve. Nuk mundem unë që për tërë këtë që e kam si analizë si input, të rri anash, të vështroj dhe të mbikëqyr në proces si i vetëm. Patjetër të shprehim mirëkuptim dhe unë këtë e bëra.”, - deklaroi kryeministri, Hristijan Mickoski.

 

 

Ndërkohë opozita maqedonase kërkon nga Qeveria që të angazhohet në ndërmarrjen e masave konkrete dhe jo ta mbështesë revoltën e qytetarëve.

 

“Tek ne me të vërtetë shqetëson moskokëçarja dhe mosinteresimi i Qeverisë për të ndërmarrë ndonjë masë. Madje edhe me një cinizëm i mbështesin qytetarët të protestojnë, kurse në fakt, protesta e qytetarëve për çmimet e larta dhe për marketet duhet në realitet të drejtohet ka Qeveria, sepse ajo është përgjegjëse për formimin e çmimeve, është përgjegjëse që të kujdeset për qytetarët që të mos përjetojnë këto rritje të çmimeve.”, - theksoi kryetari i LSDM-së, Venko Filipçe. 

 

 

Edhe VLEN-i, me përkrahje të qytetarëve në këtë bojkot. Thonë se si parti në pushtet kanë ndërmarrë masa.

 

“VLEN-i kupton nevojën e patjetërsueshme të qytetarëve për ta realizuar këtë bojkot. Ne kuptojmë peshën dhe përgjegjësinë tonë si koalicion VLEN, që jemi pjesë e pushtetit dhe kemi përgjegjësi institucionale. Kemi miratuar masa për të mbrojtur standardin e jetesës së qytetarëve duke ngrirë marzhën e produkteve ushqimore bazë në mënyrë që të mos çojë në rritje enorme të çmimeve ku nuk ka bazë për atë dhe në këtë drejtim mirëpresim iniciativat e tilla dhe qytetarët me aktivitete të tilla.”, thonë nga VLEN-i.

 

Nga BDI kanë kërkuar marrjen e masave urgjente që do të ndalnin rritjen e çmimeve, si dhe dorëheqjen e ministrit të Ekonomisë. Thirrjet për bojkot të marketeve u përhapën në mediat sociale një javë më parë në Kroaci, në Bosnjë dhe Hercegovinë, për t’u shtrirë më pas në vendet e rajonit dhe arriti edhe në Maqedoninë e Veriut.