Koncepti për reforma në arsimin e mesëm, Janevska: Afati për sugjerime mund të vazhdohet

 

 

 

“Sigurisht që mund të vazhdohet, sigurisht që ne i marrim shumë seriozisht të gjitha deklaratat e bëra nga të gjitha fakultetet, megjithëse bëhet fjalë kryesisht për Fakultetin Filozofik. E kam thënë tashmë një herë se ky është një projekt-koncept dhe mund të pësojë ndryshime. Ne po vazhdojmë më tej, deri më tani kjo është bërë në mënyrë elektronike, digjitale, do të shkojmë edhe  në terren dhe sigurisht do të vazhdojmë të punojmë për përmirësimin e tij.”, - deklaroi ministrja e Arsimit dhe Shkencës, Vesna Janevska.

 

Koncepti për reformat në arsimin e mesëm është përgatitur për të siguruar një sistem arsimor modern, gjithëpërfshirës dhe konkurrues. Dokumenti i propozuar ofron qasje moderne që synon përvetësimin e aftësive praktike, zhvillimin e të menduarit kritik, integrimin e teknologjive digjitale dhe përputhshmërinë me standardet ndërkombëtare arsimore, si dhe zgjedhje më të madhe për studentët, në mënyrë që ata të mund të modelojnë rrugën e tyre arsimore, sipas interesave dhe synimet e ardhshme, kanë njoftuar nga MASh-i.

 

Janevska njëherit shprehi kënaqësi që koncepti po merr mbështetje të fortë nga të rinjtë, ndryshe nga një pjesë e publikut profesionist.