Aksidenti ajror në ShBA, vazhdojnë hetimet për zbardhjen e rastit

 

 

"Është një ditë shkatërruese për familjen tonë të “American Airlines”. Aksidenti tronditës i American Eagle Flight 5342 rëndon rëndë linjën tonë ajrore, industrinë dhe botën. Bordi i Sigurisë së Transportit është tani në krye dhe po udhëheq hetimet dhe ne jemi mirënjohës për udhëheqjen e tyre, pasi procesi i hetimeve ka shkuar përpara, por disa gjëra mund t'i ndaj në këtë moment.”, - deklaroi Ceo i “American Airlines”, Robert Isom.

 

Të paktën 28 trupa u nxorën nga ujërat e akullta të lumit Potomak, pasi helikopteri mesa duket fluturoi në trajektoren e avionit, ndërsa aeroplani po bënte uljen pranë aeroportit “Ronald Reagan” në Uashington. Në aeroplan gjendeshin edhe pjesëtarë të Klubit të Patinazhit të Bostonit.

 

"Ne humbëm anëtarët e familjes sot. Klubi i patinazhit të Bostonit është një familje e madhe, dhe megjithëse të gjithë kemi trajnerë të ndryshëm, por ata për ne ishin si prindër të dytë. Nuk është fare e lehtë për ne, gjërat nuk do të jenë njësoj, por do të mbeten gjithmonë në kujtimet tona.", - theksoi Misha Mitrofanov nga Klubi i Patinazhit të Bostonit.

 

“Ishte shumë i dhënë pas këtij sporti dhe ndjehej si në shtëpi. Përpiqem ta përmbaj veten për humbjen. Ishin shumë të dashur dhe të gjithë njerëzit rreth tyre i admironin për mirësinë.”, - u shpreh babai i viktimës (Spenser Lejn) dhe bashkëshorti i viktimës (Kristin Lejn), Daglas Lejn.

 

Gjatë konferencës për shtyp, presidenti Tramp kërkoi që të mbahej një minutë heshtje për viktimat dhe tha se çdo burim në nivel lokal, shtetëror dhe federal ishte vënë në dispozicion të operacionit të kërkimit.