Shëndetësi, Mickoski: Rrisim buxhetin për këtë fushë

 

“Nëse vitin e kaluar buxheti ishte diku rreth 27 miliardë denarë, tani ai është diku rreth 33.2 miliardë denarë ose rreth 540 milionë euro, që do të thotë se institucionet publike shëndetësore do të marrin 100 milionë euro më shumë në krahasim me atë që ishte në buxhet vitin paraprak. Jam i bindur që më në fund në shëndetësi qytetarët do të marrin shërbimet që meritojnë.”, u shpreh Kryeministri Hristijan Mickoski.

 

 

Socialdemokratët kërkojnë nga pushteti të vendos rend në shëndetësinë publike ndërsa vazhdojnë të kërkojnë dorëheqjen e Simonovskës nga klinika e Kozles. 

 

“Pas 40 vitesh funksionimi i të vetmit repart të bronkoskopisë në vend, shumë i rëndësishëm për shëndetin e fëmijëve, është vënë në pikëpyetje vetëm për shkak të arbitraritetit të drejtoreshës së Klinikës në Kozle, Karolina Simovska, të cilën Taravari dhe DPMNE e mbrojnë me këmbëngulje Skandali i fundit në këtë Klinikë është me doktoreshën Josifova, mjeke me përvojë 27 vjeçare.”, tha Simona Cvetanovski nga LSDM.

 

 

Ndërkohë VMRO-ja akuzon LSDM-në për keqpërdorim në shëndetësi gjatë qeverisjes së tyre, sidomos në klinikën e dermatologjisë për sëmundjet e rralla.

 

“Shihet se në udhëheqësinë e LSD-së nga klinika e dermatologjisë nuk kanë mbajtur llogari për barnat e shtrenjta që i ka dhënë dhe as që ka pasur regjistër adekuat e as metodologji adekuate. Enti Shtetëror për Revizion ka konstatuar keqpërdorim në shumë fusha ndërsa Prokuroria Publike hesht.”, tha Petar Markov nga VMRO-DPMNE.

 

Për VMRO-në në kohën e LSDM-së  në shumë klinika  nuk kanë pasur menaxhim me barnat dhe nuk është ditur se ku po derdhen paratë e qytetarëve.