Botë
Zelensky: Përjashtimi i Kievit nga bisedimet i rrezikshëm
02.02.2025 12:27
“Përjashtimi i Kievit nga bisedimet SHBA-Rusi për luftën në Ukrainë do të ishte shumë i rrezikshëm”...
Presidenti ukrainas Volodymyr Zelensky tha se përjashtimi i Kievit nga bisedimet SHBA-Rusi për luftën në Ukrainë do të ishte “shumë i rrezikshëm”. Zelensky tha se Rusia nuk dëshiron të hyjë në negociata për armëpushim apo të diskutojë asnjë lloj lëshimi, gjë që Kremlini e interpreton si humbje në një kohë kur trupat ruse kanë përparësi në fushën e betejës. Ai vlerësoi se presidenti amerikan Donald Trump mund ta sillte Presidentin rus Vladimir Putin në tryezë me kërcënimin e sanksioneve që do të synonin sistemin energjetik dhe bankar ruse, së bashku me mbështetjen e vazhdueshme për ushtrinë ukrainase.
“Putini mund ta bëjë të gjithë botën të ndihet sikur humbi dhe ky do të jetë realitet, sepse ai nuk mund ta mposhtë Ukrainën, por mund të mundë të gjithë botën, të tregojë se kishte të drejtë në një farë mënyre, me mosndëshkim, për të treguar se kompromiset janë gjetur me të, por ende nuk kanë guxim ta bëjnë këtë dhe mendoj se është shumë e rrezikshme nëse ka bisedime të drejtpërdrejta mes Amerikës dhe Rusisë për Ukrainën.”, u shpreh presidenti ukrainas Volodymyr Zelensky.