Përplasje politike për zgjedhjet lokale, BDI: VLEN nuk mund të fitojë pa ndihmë

 

“Deklaratat e fundit mbi të ashtuquajturën “mbështetje të ndërsjellë” me VMRO-DPMNE-në, për zgjedhjet lokale nuk janë asgjë tjetër veçse një përpjekje e dëshpëruar për të krijuar një iluzion force aty ku nuk ka as mbështetje, as legjitimitet. Realiteti është i qartë: ata nuk mund të fitojnë asnjë garë pa ndihmën e të tjerëve, sepse shqiptarët tashmë i kanë refuzuar.”, - thonë nga BDI.

 

 

Pason VLEN me kundër reagim. Prej atje thonë se BDI- ja nuk e përballon dot humbjen dhe për këtë arsye e pyesin nëse ata me Mijallkovin po përgatisin skenar për incidente në zgjedhjet lokale.

 

“Çdokush që e ka nënvlerësuar inteligjencën e shqiptarëve është penduar, herët apo vonë. Meqë kjo udhëheqësi arrogante, e korruptuar dhe e kapur e BDI-së vazhdon ta injorojë vullnetin e shumicës së shqiptarëve, shumë shpejt do të marrë ndëshkim të ashpër. Epshi i tyre për të qenë në pushtet me çdo kusht do të rezultojë në një referendum kundër tyre në zgjedhjet lokale.”, - thuhet në komunikatën e koalicionit VLEN.