Këshilli socio-ekonomik diskuton për minimalen

Këshilli Ekonomik Social sot duhet të mbajë një seancë në të cilën do të shqyrtohen mundësitë e rritjes së pagës minimale që sindikatat e kanë vendosur si kërkesë. Sindikatat kërkojnë që paga minimale të rritet në 450 euro, ndërsa një pjesë e sektorit të biznesit kanë deklaruar se do ta pranojnë një propozim të tillë, por të ulen kontributet. Qeveria thotë se do t'i lërë sindikatat dhe punëdhënësit të merren vesh. Sipas ligjit, në muajin mars duhet të ketë harmonizim  të pagës minimale, e cila sipas llogaritjeve duhet të rritet për 1.800 denarë, që sipas sindikatave është pak në krahasim me koston e jetesës.