Ndryshimet e ligjit për pushtetin lokal, kërkohet llogaridhënie, transparencë më e madhe

 

Se kush mund ta zëvendësoje kryetarin e rrëzuar, ministri Perinski shtoi se kjo është e drejtë ekskluzive e qytetareve, që nënkupton zgjedhje të reja.

 

“Jemi dëshmitarë se disa kryetarë të komunave po sillen në mënyrë devijuese dhe e keqpërdorin besimin e qytetareve. Besoj se jemi në rrugë të drejtë që të krijojmë zgjidhje ligjore, e cila do t’u përgjigjet nevojave të pushtetit lokal, por edhe të qytetareve.”, - deklaroi ministri i Vetëqeverisjes Lokale, Zllatko Perinski.

 

Sipas ministrit Perinski, risia e dytë e këtij ndryshimi të  Ligjit për vetëqeverisje lokale është edhe formimi i policisë komunale, e cila do te jetë nën kompetencat e vetëqeverisjes lokale. Mbështetje kësaj iniciative I shprehu edhe Kryetari i Komunës se Gostivarit, Valbon Limani, i cili krijimin e policisë komunale e pa si rast të mirë të ballafaqimit me vandalizmin ndaj pronës publike.

 

Te theksojmë se ky takim konsultativ u organizua nga Ministria e Vetëqeverisjes Lokale, në Kuadër të projektit “Forcimi i Këshillave Komunale”, i financuar nga ambasada zvicerane dhe implementuar dhe kofinansuar nga UNDP-ja.  Për kalimin e këtij ligji sistematik në Kuvend do të nevojiten dy te tretat e votave të deputetëve dhe votim sipas parimit te Badentrit.