Kuvend, të ndryshohen rregullativat në komunikacion

 

 

“Parashtruam njoftim për nevojën e mbajtjes së debatit publik, për shkak të analizës dhe vërtetimit të nevojës për ndryshimin e rregullativës ligjore, me qëllim të përforcimit të sigurisë në komunikacion. Shumica qeveritare në kërkim të përmirësimit të rregullativës ligjore do të kërkojë rregullimin dhe precizimin e tij. Është koha për hapa serioze dhe zgjidhje sistematike. Siguria e qytetarëve duhet të na jetë prioritet të gjithëve dhe kjo nënkupton ndryshime ligjore që do të sigurojnë mbrojtje, parandalim dhe reagime efikase institucionale.”, - deklaroi Nikolla Micevski nga VMRO-DPMNE.

 

“Grupi parlamentar i partisë "E Majta" do ta mbështesë këtë iniciativë për debat publik nga shumica. Vlerësojmë se është e nevojshme, edhe pse ndoshta më mirë do të ishte të kishte seancë mbikëqyrëse që të shohim edhe për implementimin dhe keqpërdorimin e saj dhe jo vetëm të diskutojmë për disa zgjidhje ligjore.”, - theksoi Amar Mercinoviq nga "E Majta".

 

“Besoj se nga debati publik do të dalin edhe propozime të tjera të cilat do ta sfidojnë edhe rregullimin e çështjeve të tjera që kanë të bëjnë drejtpërdrejt ndoshta edhe me drejtësinë. Andaj në emër të grupit tonë parlamentar e përkrahim pa diskutim debati publik me dëshirën më të mirë që të dalin konkluzione, të cilat do ta përmirësojnë jetën publike në përgjithësi.”, - u shpreh Elmi Aziri nga Fronti Evropian.

 

Për të debatuar është e paraparë që të ftohen subjekte të ndryshme, organe relevante shtetërore, institucione, organizata qytetare, punëtorë shkencorë dhe profesionistë, që në mënyrë sistematike të përgatiten propozimet për ndryshimet e rregullativave ligjore.