Cili është bilanci nga protestat e mbrëmshme para Qeverisë
Dhjetra protestues të rrahur, po aq të arrestuar, dhe disa polic të lënduar, ne mesin e të cilëve edhe gazetarë dhe fotoreporterë, është bilanci nga protestat e mbrëmshme që u mbajtë para objektit të Qeverisë...
Situata u tensionua rreth orës 22:00, kur policia filloi të shpërndajë turmën me bomba tymi, duke mos munguar edhe topat e ujit.
Të revoltuar nga aksioni i policor, protestuestit tentuan të kundërvihen duke hedhur gurë, vezë, shishe uji dhe gjësende të ndryshme drejt tyre.
“Në qendrën urgjente nga protestat e mbremshme janë pranuar gjithësej 14 të lënduar, prej tyre 12 policë dhe 2 civil, të gjithë janë jashtë rezikut për jetë. Pas investigimieve u konfirmua se bëhet fjalë për lëndime të lehta trupore. Dhe pas ndihmës së dhënë ata do të lëshohen në mjekiim shtëpiak,” shprehet drejtori i Qendrës Urgjente Rexhep Selmani.
“Asnjëherë nuk mund të konstatojmë se në cilën formë janë marrë shtypjet , kryesisht janë në pjesën e kokës, brylave dhe gjunjët”, thotë mes tjerash një mjek tjetër i spitalit të Qytetit.
Protestuesit filluan të largohen gjysëm ore para mesnatës, kur policia i ndërrmorri të gjitha masat për të shpërndarë turmën.
Arsye për protestat e mbrëmshme ishte konferenca e LSDM-së , në të cilën lideri Zoran Zaev, publikoi incizime të bisedave telefonike në të cilat supozohet se zyrtarët më të lartë të maqedonas, flasin për vrasjen e të riut, Martin Neshkovski, i cili në vitin 2011 u vra nga një pjesëtar i shërbimit policor të kryeministrit. (Sanije Kasami, TVM2)