Strategjia për transformim 20-vjeçar: Forcimi i ekonomisë, energjetikës dhe drejtësisë

 

“Zbatojmë reforma tatimore, të cilat do t’i lehtësojnë kushtet për bizneset, të ulin burokracinë dhe të krijojnë mjedis për ekonomi konkurruese. Me rëndësi është pavarësia energjetike. Do të kemi prodhim të energjisë nga burime vendore. Do t’i modernizojmë kapacitetet ekzistuese, por gjithashtu është e rëndësishme të ndërtojmë kapacitete të reja. Në fund të muajit qershor do të vendoset gurthemeli i kapacitetit të ri. Do të kemi 20% prodhim të ri të energjisë elektrike nga era.”, - deklaroi kryeministri, Hristijan Mickoski. 

 

Kryeministri tha se e rëndësishme është edhe investimi në arsimin e lartë. Po përgatitet ligj, ku universitetet shtetërore do të kenë qasje falas tek dy bazat e revistave shkencore. Kjo do të ndihmonte në përparimin shkencor dhe inovacioneve në vend. Reformat e fuqishme në gjyqësor dhe luftimi i korrupsionit do të kthenin besimin e qytetarëve.

 

“Nevojiten reforma serioze për të siguruar drejtësi për të gjithë. Sa i takon korrupsionit shtetëror politik, mund të them se është reduktuar në zero.”, - theksoi kryeministri, Hristijan Mickoski.

 

Me strategjinë do të mbahet llogari edhe për identitetin kombëtar, kulturor e historik. Të gjitha synimet do të realizohen vetëm nëpërmjet unitetit dhe koordinimit ndërinstitucional.