Përleshje me armë zjarri në Fushë Tophanë, një i vdekur dhe dy të plagosur

Fiks në mesnatë, respektivishtë në ora 00:06 minuta, këtu në Qendrën Tregtare ‘Viva Fresh’, e cila ndodhet në mes Komunës së Çairit dhe Butelit, ka ndodhur një përleshje e armatosur, ku si rezultat, një person i moshës 35 vjecare, sipas MPB-së, me iniciale H.B ka ndërruar jetë, ndërsa dy të tjerë janë plagosur. Perosnat e tjerë me iniciale A.D (35) dhe N.D (22), janë në gjendje stabile sipas spitalit ku janë kuruar, dhe jemi pikërishtë këtu në vendin e ngjarrjes, ku policia me prokurorin e Prokurorisë Publike janë duke i kryer hetimet, dhe këtu mund të shihen edhe disa vetura të cilat janë pjesë e hetimeve të MPB-së.

Nga Ministria e Punëve të brendshme kanë konfirmuar rastin.

“Më datë 10.02.2025, rreth orës 23:50, në SPB Shkup është raportuar se në një parking në zonën e Çairit, për shkak të një mosmarrëveshje të mëparshme në komunikacion, mes dy grupeve ka pasur një debat, gjatë së cilës janë përdorur edhe armë zjarri. Më datë 11.02.2025 ora 00.06, nga Spitali i Përgjithshëm i Qytetit “Rr. Në spitalin Naum Ohridski, u raportua se me plagë nga arma e zjarrit janë sjellë H.B (35) dhe A.D.(35). vdiq, dhe mbi A.D. Është bërë një ndërhyrje dhe është mbajtur për mjekim. Për shkak të plagëve me armë zjarri në Kompleksin Klinikë “Nënë Tereza” është transferuar edhe N.D. nga Shkupi. Me urdhër të prokurorit publik, trupi i pajetë i të ndjerit është dorëzuar për obduksion. Pas marrjes së masave dhe për shkak të dyshimit se kanë marrë pjesë në shkëmbim zjarri, zyrtarët policorë nga SPB Shkup rreth orës 01:40 në spital ia kanë privuar nga liria B.B . Gjithashtu, pas masave të marra, në vendngjarje janë gjetur dy armë, disa automjete dhe sende të tjera që lidhen me krimin. Personat janë ndaluar në komisariat dhe pas zbardhjes dhe dokumentimit të plotë të rastit do të bëhet kallëzimi përkatës”, thonë nga MPB.

Sipas MPB-së, sipas një denoncimi paraprak, deri te përleshja kishte ardhur pas një mosmarrëveshje në komunikacion. Dhe se për rastin në fjalë tashmë ka edhe 4 të arrestuar, të cilët dyshohet se kanë qenë të përfshirë në përleshje.

Nga Spitali i Qytetit “Shën Naum Ohri” kanë raportuar se viktima është sjellë në spital pa shenja jete, ndërsa i plagosuri është në gjendje të qëndrueshme. Nga Prokuroria publike, thonë se kanë kryer hetimet në vendngjarje.

“Prokurori publik kujdestar nga Prokuroria Themelore Publike në Shkup ka kryer hetimet në vendngjarje në komunën e Çairit të Shkupit, ku në një incident me armë mbrëmë ka mbetur i vrarë një person dhe dy janë lënduar. Sipas informacioneve fillestare, në të shtënat kanë marrë pjesë disa persona, ndërsa nga vendi i ngjarjes janë gjetur gjurmë dhe gëzhoja dhe do t'i nënshtrohen analizës mjeko-ligjore. Janë siguruar edhe pamjet e video survejimit dhe janë duke u shqyrtuar. Gjithashtu është dhënë urdhër për autopsi të trupit të të ndjerit dhe po punohet për zbardhjen e plotë të ngjarjes dhe shkaqeve”, thuhet në Komunikatën e Prokurorisë Publike. (Fitim Kryeziu, TVM2)