Votimi për anëtarët e rinj të Këshillit të ASHMAA në seancën parlamentare

Kuvendi sot do të mbajë seancën e 34-të, me gjithsej 25 pika të rendit të ditës, përfshirë edhe Propozim-vendimi për emërimin e anëtarëve të Këshillit të Agjencisë për Shërbime Mediatike Audio dhe Audiovizive.

 

Projektvendimi për emërimin e anëtarëve të Këshillit të ASHMAA-së është pika e katërt e rendit të ditës. Për miratimin e tij kërkohet një shumicë prej dy të tretash dhe një shumicë Badenteri.

 

Komisioni kuvendor për çështje të zgjedhjeve dhe emërimeve, në seancën e mbajtur në fund të janarit, përcaktoi listën e kandidatëve, në të cilën janë Viktor Pavlovski, inxhinier i diplomuar për informatikë prodhimi nga Shkupi, Sasho Stefanovski, i diplomuar për art filmik dhe kameraman televiziv nga Shkupi, Petar Gjurovski, montazher i diplomuar i filmit dhe TV nga Shkupi, Cvetanka Minovska gazetare e diplomuar nga Shkupi, Afrona Vërzilova ekonomiste e diplomuar nga Shkupi, Nafije Selmani profesoreshë e diplomuar për gjuhë dhe letërsi shqipe nga Shkupi dhe Gordana Majnova ekonomiste e diplomuar dhe magjistre për komunikologji.

 

Kryeministri Hristijanski Mickoski dje deklaroi se përzgjedhja e kandidatëve për anëtarë të Agjencisë për Shërbime Mediatike Audio dhe Audiovizuale (ASHMAA) është bërë në përputhje me dispozitat ligjore dhe atë funksion mund ta kryejë kushdo që i plotëson.

 

Shoqata e Gazetarëve të Maqedonisë (SHGM) ka shprehur shqetësimin për përzgjedhjen e kandidatëve për anëtarë të Agjencisë për Shërbime Mediatike Audio dhe Audiovizuale (ASHMAA). Sipas tyre, disa nga kandidatët e përzgjedhur nuk i plotësojnë kushtet formale dhe kanë formim partiak, gjë që vë në pikëpyetje profesionalizmin dhe pavarësinë e tyre. Ata i bënë thirrje Kuvendit që të zgjedhë anëtarë kompetentë dhe të pavarur për të garantuar efikasitetin dhe paanshmërinë e organit rregullator.