Qeveria shpall thirrjen e dytë, ndihmë për projekte nëpër komuna

 

“Risia është vazhdimi i afatit për aplikimin deri më 30 prill, ndërsa rrethanë lehtësuese ka edhe në pjesën e sigurimit të dokumentacionit të nevojshëm, e cila është e domosdoshme për fillimin  e furnizimit publik. Kjo është me qëllim që t’u ndihmohet komunave dhe t’u jepet hapësirë që ta sigurojnë dokumentacionin e nevojshëm derisa zgjat procedura. Këto janë dy risi të reja të kërkesave të kryetarëve.”, u shpreh Ministri i Vetëqeverisjes Lokale Zlatko Perinski.

 

Kjo thirrje e dytë publike, sipas Perinskit, është vazhdimësi e thirrjes së parë publike e cila, siç tha ai, tashmë po jep rezultate në terren. Interesimi më i madh në thirrjen e parë ishte për realizimin e projekteve të infrastrukturës rrugore. Ai pret që mjetet e planifikuara të përdoren për shkak se komunat kanë probleme me infrastrukturën. 

 

“Nga përvoja e thirrjes së parë publike, interesi më i madh nga vetëqeverisjet lokale ka qenë në pjesën e përmirësimit të investimeve, në pjesën e infrastrukturës rrugore dhe nga 288 projkete, 225 ishin të drejtuara tek Ministria për Transport. E dyta sipas interesit është Ministria e Mjedisit Jetësor me 40 projekte të cilat kanë të bëjnë me infrastrukturën e ujësjellësit dhe kanalizimit. Me thirrjen e parë publike vetëqeverisjet lokale ishin të kufizuara në sigurimin e lejeve për ndërtim, dhe këtë e lehtësuam në thirrjen e dytë sepse e ndryshuam ligjin për rregullimin e hapësirave ndërtimore.”, tha Perinski.

 

Ministri i Vetëqeverisjes Lokale Perinski tha se kjo thirrje publike është krijuar në përputhje me kërkesat e kryetarëve të komunave mund të aplikojnë të gjithë, pavarësisht nga përkatësia e tyre politike.