Osmani takoi të dërguarin e BE-së për dialogun Sorensen

 

“Në takimin tim të parë me Përfaqësuesin e ri të BE-së për Dialog, Peter Sorensen, diskutuam mbi zhvillimet e fundit në vend dhe pritshmëritë nga dialogu i Brukselit. Do të vazhdojmë të punojmë me aleatët tanë që ky proces të përmbyllet me njohje të ndërsjellë dhe mbrojtjen e sovranitetit, kushtetutshmërisë dhe integritetit territorial të Republikës sonë.”, ka shkruar Osmani në 'Facebook'. 

 

I dërguari i posaçëm i Bashkimit Evropian Sorensen ka kaluar dy ditët e fundit në Paris dhe Berlin, ku zhvilloi biseda të rëndësishme për mënyrën se si të avancojë procesi i dialogut. 

 

“Kalova dy ditët e fundit në Paris dhe Berlin. Patëm biseda shumë të mira dhe substanciale për mënyrën se si ta çojmë përpara Dialogun. Jam mirënjohës për mbështetjen e plotë të përpjekjeve të mia.”, ka shkruar ai në platformën "X", duke ndarë foto nga takimet me zyrtarin e Francës dhe Gjermanisë.