Gostivar, digjet depoja e poliesterit në afërisi të f. Negotinë

 

SPB Tetovë ka raportuar për zjarr në një objekt-punishte në pronësi të personit M.A. (27) nga fshati Zdunjë e Gostivarit. Bëhet fjalë për një magazinë për prodhimin e poliesterit e përbërë nga tre objekte, dy prej të cilave janë djegur plotësisht, ndërsa i treti pjesërisht, njofton Qendra për Menaxhim me Krizat.

 

Në ndihmë të zjarrfikësve të Gostivarit u kanë ardhur edhe zjarrfikësit nga Tetova, të cilët kanë intervenuar deri në orën 04:00 të mëngjesit.

 

“Shërbimi i Emergjencave nga Gostivari njoftoi se një zjarrfikës gjatë intervenimit ka rënë nga shkallët dhe ka pësuar lëndime, për çka është dërguar në spitalin e Gostivarit. 

 

Bëhet fjalë për komandantin e togut  në Njësitin Teritorial Kunder Zjarrit i cili është rrëzuar nga një lartësi prej rreth tre metrave dhe pos tronditjes, ka marrë lëndime më serioze në dorë. Gjendja e tij shëndetësore është përmirësuar dhe gjendet jashta rrezikut për jetë.

 

Zjarri është lokalizuar, ndërsa inspektim në vendin e zjarrit ka kryer edhe ekipi i Drejtorisë për Punë të Brendshme nga Gostivari.