Maqedoni
LSDM: Koncepti për arsimin e mesëm heq lëndët që janë të rëndësishme për të rinjtë
16.02.2025 16:05
Propozimi i Konceptit për arsimin e mesëm gjimnazial, i hartuar nga Ministria e Arsimit dhe Shkencës...
Propozimi i Konceptit për arsimin e mesëm gjimnazial, i hartuar nga Ministria e Arsimit dhe Shkencës dhe Byroja për Zhvillimin e Arsimit, dhe që mbrohet me këmbëngulje nga Ministrja Vesna Janevska, është i papërshtatshëm dhe i dëmshëm për procesin arsimor, thonë nga LSDM.
“Me këtë propozim të Konceptit, Janevska parashikon heqjen edhe të lëndës obligative "Biznes dhe Sipërmarrësi" në vitin IV dhe dy lëndë në fushën zgjedhore OHA "Ekonomi" dhe "Menaxhim". Në vend të këtyre lëndëve, do të futet një lëndë e re "Ekonomi dhe Biznes" dhe kjo vetëm si lëndë zgjedhore. Me këtë propozim në koncept, tani po shemben këto objektiva.""Siç propozohet, kjo nuk do të mund të arrijë qëllimet strategjike dhe të përgatisë nxënësit për tregun e punës duke inkurajuar kreativitetin dhe frymën e tyre sipërmarrëse. Kështu veçanërisht jo në kushtet e një ekonomie të tregut të lirë, kur kjo është më e nevojshme për ta. Ky është edhe një argument shtesë pse duhet të sigurohet një debat publik në Kuvend, propozim që tashmë është dorëzuar nga LSDM", u shpreh anëtari i komisionit për arsim i LSDM- së, Petre Trajkovski.