I dërguari i Trampit, Kellog, në Ukrainë, priten bisedime me Zelenskin

Kjo vjen pasi Uashingtoni dhe Moska zhvilluan bisedime pa Kievin për të ardhmen e Ukrainës të martën. 

 

“Do të kem disa biseda të mrekullueshme me presidentin Zelenski.”, tha ai. 

 

Duke folur pas 4 orë e gjysmë bisedimesh në Riad, sekretari amerikan i shtetit, Marko Rubio, njoftoi një marrëveshje me katër pika  me Rusinë për të udhëhequr rivendosjen e kontakteve që u ndërprenë pas pushtimit të plotë të Ukrainës nga Moska në shkurt 2022, e cila filloi luftën më të madhe të Evropës. Sipas Rubios, nëse konflikti merr një “fund të pranueshëm”, ekziston mundësia  për partneritet me rusët gjeopolitikisht. 

 

Ardhja e tij në Kiev vjen pas një sulmi me dron rus në rajonin jugor të Ukrainës, Odesa, ku u plagosën  katër persona, duke përfshirë një fëmijë, dhe shkaktoi ndërprerje të gjera të energjisë.