Kontabilistët protestojnë, shtëpive konsulente t'u hiqen kompetencat

 

“Shtëpitë konsulente kanë kontroll të plotë mbi fushën e kontabilitetit. Për momentin rreth 3.000 kontabilistëve u është hequr e drejta e nënshkrimit të pasqyrave vjetore dhe ekonomia është vënë në rrezik nga pasojat e mosdorëzimit të tyre, vetëm për faktin se ata kontabilistë nuk kanë pasur orë të mjaftueshme të trajnimit nëpër shtëpitë e konsulencës. Në fushën e kontabilistëve ka paknaqësi të madhe edhe për orët shtesë, por edhe për jocilësinë e atyre trajnimeve.”, - deklaroi përfaqësuesi i kontabilistëve. 

 

 

Në protestë, në mënyrë të papritur, u shfaq edhe ministrja Dimitrieska Koçovska. Ajo i ftoi kontabilistët të tregojnë se ku qëndron problemi.

 

"Është e qartë që ka pasur probleme nga të dyja palët. Unë tashmë kam pasur takime me disa nga përfaqësuesit e kontabilistëve dhe si rezultat i kësaj, kam premtuar se do të gjej një zgjidhje ligjore që para dy javësh. Megjithatë, procedura është e ndërlikuar. Këto janë probleme të grumbulluara për dy vjet, nuk është diçka e re.”, - theksoi ministrja e Financave, Gordana Dimitrievska Koçovska.

 

Koçovska tha se pajtohet që kontabilistët janë e vetmja fushë prej të cilëve varet evidentimi i llogarisë përfundimtare, ndërsa janë të vetmit që fitojnë licencë nga një vend tjetër.