Mitrovica veriore, mbyllen 4 qendra ilegale

 

Zëvendësdrejtori i Policisë së Kosovës, Veton Elshani, ka deklaruar se këta zyrtarë të Qendrës për Punë Sociale, e cila ishte në strukturë paralele/ ilegale dyshohej se kanë thirrur qytetarë të ndryshëm në telefon dhe nën formën e kërcënimit i kanë detyruar apo udhëzuar se si të votojnë, duke i kushtëzuar ndihmat sociale me votën e tyre, në favor të një partie të caktuar politike, e cila ishte në garë për zgjedhjet parlamentare në Kosovë.

 

“Këta zyrtarë të qendrës për punë sociale, e cila ishte strukturë paralele/ilegale dyshohej se kanë thirrur qytetarë të ndryshëm në telefon dhe nën formën e kërcënimit i kanë detyruar apo udhëzuar se si të votojnë duke i kushtëzuar ndihmat sociale me votën e tyre në favor të një partie të caktuar politike, e cila ishte në garë për zgjedhjet parlamentare në Kosovë. Lidhur me punën tonë hetimore ne e kemi njoftuar Prokurorinë Themelore në Mitrovicë nga të cilët kemi kërkuar që të na lejohet kontrolli i këtyre qendrave, me qëllim të zbulimit të provave me të cilat do të vërtetohet saktë mënyra e veprimit të këtij aktiviteti të kundërligjshëm e që cilësohet si falsifikim i dokumenteve.”, u shpreh Elshani, duke potencuar se fillimisht e kishin njoftuar për punën hetimore Prokurorinë Themelore në Mitrovicë, ndërsa kjo e fundit iu drejtua Gjykatës, me urdhër të së cilës nisën kontrollet në këto qendra ilegale.