ASH-ja e Ziadin Selës: Ta bëjmë himnin si stemën, e jo stemën si himnin

 

Nga ASH thonë se ky debat është tentim për të shkelur edhe më shumë shqiptarët. Nga partia e Selës bëjnë thirrje që ndryshimi i 20%-shit të mos përzihet me stemën, duke shtuar se himni dhe flamuri duhet të deetnizohen si stema dhe jo e kundërta.

 

“Debati për stemën dhe simbolet e tjera shtetërore, ashtu siç po imponohet nga VMRO-ja dhe vasalët shqiptarë në Qeveri është vetëm një tentim për të shkelur edhe më shumë shqiptarët, për të etnizuar shtetin dhe për të forcuar diskriminimin ndaj të gjithë qytetarëve. Emërtimi i drejtë i gjuhës shqipe dhe ndryshimi i himnit dhe flamurit janë nevojë për të korrigjuar padrejtësitë dhe për të trajtuar, siç duhet bashkësitë etnike në vend. I gjithë monologu i partive në pushtet po zhvillohet në drejtim të gabuar.  Një padrejtësi nuk mund të zgjidhet duke shkaktuar një padrejtësi tjetër. Etnizmi i stemës me luan nuk guxon të bëhet si çmim për heqjen e 20%-shit. Stema është simboli i vetëm që nuk ka element etnik maqedonas. Ne duhet ta bëjmë himnin si stemën dhe jo stemën si himnin.”, thonë nga ASh-ja e Ziadin Selës.