Sportet E Tjera
Biatlon, titulli i katërt radhazi i Klaebo në sprint
27.02.2025 17:23
Më shumë se 22,000 spektatorë u mblodhën në stadiumin e vrapimit në Trondheim...
Më shumë se 22,000 spektatorë u mblodhën në stadiumin e vrapimit në Trondheim për të parë festën e pritur të norvegjezit Johannes Klaeb në fund të garës. Ylli i parë i vrapit me ski në vend u bë kampion i botës në sprint për të katërtën herë radhazi.
Edhe një herë rivali i tij kryesor ishte italiani Federico Pellegrino, i cili gjatë gjithë rrugës I qëndroi në qafë, por në fund mbeti prapa me 67 të qindtat. Betejën e ashpër për medaljen e bronztë e fitoi finlandezi Lauri Vourinen, që mundi francezin Jules Chappaz me 20 të qindtat.
Në finalen e femrave, dyshimet për festën e re, të tretë radhazi, të Jonna Sundling përfunduan në mes të vrapit final, kur suedezja u largua nga rivalet e saj. 30-vjeçarja mund të fillonte festën para vijës së finishit, të cilën e kaloi dy sekonda para pjesës tjetër të fitueseve të medaljes.
Kristine Skistad dhe Nadine Fähndrich luftuan për medaljen e argjend, por norvegjezja ishte më e mirë, duke mposhtur zviceranen me 71 të qindtat. Për Jonna Sundling, ishte ky titulli I saj I tretë kampione bote, pas atyre në Oberstdorf 2021 dhe në Planica 2023.