Mateç: Filloi me punë çerdhja “Valbona 2001”

 

"Ajo, si gjithë të tjerat, gjatë bombardimit mori plagë të rënda dhe gjatë përcjelljes për në komunën e Likovës, në pamundësi për t’i ofruar ndihmë, u përcoll për në spitalin e qytetit në Shkup. Pas një jave nuk arriti t’u mbijetojë plagëve dhe u desh të varroset në varrezat e Kumanovës. Ajo bashkë me luftëtarët, dëshmorët tjerë, u rivarros në vitin 2002 në varrezat e dëshmorëve në fshatin Sllupçan.”, theksoi babai i martires, Valbona Zimberi, Fekret Zimberi.

 

“Sot kemi gëzim, sot kemi një moment emocional, ku çerdhja në mënyrë institucionale mban emrin e martires së kombit dhe mendoj se ky vend ku jemi këtu është vend i sakrificës, vend i krenarisë, sepse në vitin 2001 në këtë vend kanë rënë 14 dëshmorë.”, - u shpreh kryetari i komunës së Likovës, Erkan Arifi.

 

Në fund të theksojmë se kapaciteti i çerdhes është për 117 fëmijë, kurse do të punojë me orar nga ora 07:00 deri në ora 16:30.

 

Ndryshe mjetet për ndërtimin e kësaj çerdhe u siguruan nga Banka Botërore për Zhvillim, Ministria e Punës dhe Politikës Sociale, si dhe nga komuna e Likovës. E njëjta filloi të ndërtohet në vitin 2021.