LSM do të paraqesë një propozim për një pagë minimale prej 500 euro

Paga minimale do të korrigjohet këtë muaj dhe sipas llogaritjeve rritja do të ishte rreth 1800 denarë. Si sindikatat ashtu edhe sektori i biznesit pajtohen që paga minimale të jetë më e lartë se rregullimi ligjor, me çka paga minimale do të jetë rreth 24.400 denarë. Sindikatat kërkojnë pagë minimale prej 30.000 denarë dhe mbështesin propozimin e punëdhënësve për ngrirjen e kontributeve.

 

Qeveria po ia lë në dorë sindikatat dhe punëdhënësit të arrijnë marrëveshje, duke shtuar se nuk kanë asgjë kundër nëse punëdhënësit mund të paguajnë një pagë minimale më të lartë se minimumi ligjor, por se subvencionimi i kontributeve nuk është në agjendën e Qeverisë.

 

Lidhja e Sindikatave të Maqedonisë sot pritet të paraqesë propozim në Qeveri me të cilin kërkohet rritje e pagës minimale dhe të gjitha pagave tjera. Prandaj, ata kanë caktuar për sot në ora 12:00 konferencë për media, në të cilën do të flasë kryetari i LSM-së.

 

Sipas LSM-së, 24.400 denarë, që do të ishte paga minimale sipas harmonizimit ligjor, janë shumë pak për punëtorët, duke marrë parasysh koston e jetesës. Prandaj, ata shpresojnë që punëdhënësit të tregojnë vullnet të mirë dhe të pranojnë kërkesën e tyre.