Biseda, Siljanovska Davkova: Është koha për të gjetur një zgjidhje

 

“Ka qenë fati ynë që të jetojmë pranë njëri-tjetrit dhe madje të kuptohemi. Mendoj se kjo na obligon. Të dy jemi të mendimit se po ecim në atë drejtim - ngadalë, qetë, me mirëkuptim dhe respekt - dhe unë shpresoj që të gjejmë një zgjidhje.”, - deklaroi presidentja e RMV-së, Gordana Siljanovska Davkova.

Pas bisedës, Radev theksoi rëndësinë e diskutimeve në nivel të lartë për forcimin e marrëdhënieve bilaterale dhe përballjen me sfidat rajonale e globale. Pavarësisht kësaj, Shkupi dhe Sofja mbeten në pozicionet e tyre. Qeveria maqedonase kërkon ndryshime kushtetuese, ndërsa Bullgaria insiston në përfshirjen e bullgarëve në Kushtetutën e Maqedonisë së Veriut.

Takimi i radhës mes Radev dhe Siljanovska-Davkovës do të mbahet në prill, në Sofje, në kuadër të procesit “Akaba” kundër terrorizmit.