Asnjë ministër i VLEN-it në Hungari, Kasami: Nuk kishin marrëveshje për të nënshkruar

 

“Dha Qeveria sqarim për këtë pjesë. Nuk bëhet fjalë për të gjithë Qeverinë, bëhet fjalë për kryeministrin me një pjesë të ministrave, pra është pjesëmarrje e atyre ministrave, të cilët kanë marrëveshje konkrete për të nënshkruar. Po i bie se nuk ka pasur ndonjë projekt konkret, ndonjë marrëveshje konkrete, ne me Hungarinë si vend i BE-së kemi relacione të mira, nëse në të ardhmen do të ketë ndonjë situatë të tillë me ministri të udhëhequr nga kuadrot e VLEN-it, sigurisht që do të jetë pjesë e këtyre projekteve.”, - deklaroi kryetari i Lëvizjes “Besa”, Bilall Kasami.

 

 

I pyetur rreth Ligjit për gjuhën shqipe, Kasami me përgjigje.

 

“Ne kemi thënë dhe qëndrojmë në atë se derisa ne si koalicion VLEN do të jemi në Qeveri nuk do të ketë shfuqizim të asnjë neni të ligjit dhe ne do të punojmë që edhe ky ligj, ashtu si përfaqësimi adekuat i shqiptarëve, të avancohet.”, - theksoi kryetari i Lëvizjes “Besa”, Bilall Kasami. 

 

Sipas Kasamit, koalicioni VLEN është në Qeveri për t’i përfaqësuar shqiptarët dhe për t’i avancuar të drejtat e tyre.