Plenumi vazhdon protestat, padi ndaj atyre që u bëjnë presion nxënësve

Ata paralajmëruan edhe padi ndaj personave që u janë kërcënuar, duke thënë se kanë përkrahje edhe nga Komiteti i Helsinkit. Në mënyrë simbolike ata i kthyen shpinën MASh-it, sepse kompetentët nuk po i dëgjojnë kërkesat e tyre.

 

“Padi do të dorëzojmë ndaj personave që na kanë bërë presione dhe na kanë kërcënuar. Juridikisht do të zhvillojmë betejën ndaj MASh-it .Edhe më tej mbetemi në tenda, bojkoti vazhdon. Do ta ndërpresim bojkotin deri të martën dhe më pas e vazhdojmë dhe kjo bëhet për shkak të dënimeve absurde”- deklaroi Aleksandar Milevski nga Plenumi i Nxënësve.

 

“Unë shpresoj se do të ketë negociata, nuk mund të them me siguri se a do të ketë. Unë si prind jam këtu që t’i përkrah”- u shpreh një prind.

 

Nga Plenumi i Nxënësve paralajmëruan që do të qëndrojnë në tenda edhe gjatë fundjavës.