Qytetarët para Ministrisë së Punëve të Brendëshme
Qytetarë të shumtë u mblodhen për të 4 ditë para Qeverisë për të shprehur revoltën e tyre kundër Brutalitetit Policor...
Ata kërkuan dorëheqjen e plotë të kabinetit të kryeministrit Nikolla Gruevski dhe bashkëpuntorëve të tij.
Në krahasim me ditët e tjera, numri i protestuesve ishte më i vogël por as ata nuk u lejuan ti afrohen ndërtesës së ekzekutivit pasi policia kishte vendosur serisht bllokadë.
Protestuesit iu drejtuan Ministrise së Punëve të Brendëshme por edhe aty u penguan nga forca të shumta policore të cilat pamundësuan arritjen e tyre para dyerve të MPB-së.
Megjithatë edhe nga fundi i rrugës, protestuesit kërkuan dorëheqjen e menjëherëshme të ministres Gordana Jankullovska.
Pas protestës para MPB-së, qytetarët iu drejtuan sërisht ndërtesës së Kuvendit Republikan ku sërisht u dëgjuan kërkesat për dorëheqjen e Qeverisë, ndalimit të brutalitetit policor dhe për drejtësi.
Protesat e qytetarëve filluan ditë më parë pas audioxhirimeve të publikuara nga LSDM për vrasjen e të riut Martin Neshkovski dhe përpjekjes së autoriteteve për ta fshehur rastin por tani kërkesave të tyre u është shtuar edhe ato për hapjen e një hetimi të ri për vdekjen e gazetarit Nikolla Mlladenov.
BESIM ABDULLAI