Shëndetësi, kërkohet zgjerimi i shërbimeve të farmacisë

 

 

“Kur do të kemi këtë shkëmbim të informacioneve, dhe do të mundësoheshte një komunikim I mirfilltë mes punëtorëve të shëndetësisë dhe të farmacisë, do të ishte shumë më funksionale, do të kemi regulacion më të mirë të të gjithë pacientëve më sëmundje kronike, jo vetëm të diabetit, por për të gjithë sëmundjet kronike, dhe ky regullim do të nënkuptonte më pak komplikime. Por për fat të keq komunikimi deri më tani ka kaluar vetëm përmes pacientëve”, u shpreh kryetarja e shoqatës së farmacistëve privat të Maqedonisë, Gjoana Andonoska.

 

Në Kroaci, ashtu si në vendet e Evropës Perëndimore, farmacitë në vet barnatoret, përveç matjes së tensionit dhe sheqerit në gjak, ofrojnë një sërë shërbimesh shëndetësore që reduktojnë mbingarkesën në laboratorë dhe ambulanca.

 

“Ne mund të bëjmë një analizë gjaku të premten pasdite nëse fëmija ynë ka temperaturë, në mënyrë që të shohim nëse duhet të shkojmë te mjeku kujdestar ose nëse mund ta trajtojmë në shtëpi me paracetamol. Kemi teste për mëlçinë, për rotavirusin, stafilokokun në fyt, është një praktikë e zakonshme në sistemet moderne të kujdesit shëndetësor. Të dhënat tona më parë treguan të njëjtën gjë si tuajat: 50 për qind e diabetikëve në terapi kishin sheqer të parregulluar”, theksoi prof. dr.  Arijana Meshtroviç nga Kroacia.

 

"Këto shërbime nuk mund të paguhen dhe nuk do të paguhen nga ana e Fondit, por ka disa çmime minimale, e të cilat janë inkorporuar me ndryshimin e ligjit për shëndetin publik, dhe me këtë do tju mundësohet Odës së farmacistëve së bashku me Ministrinë e Shëndetësisë dhe Fondin, që ti përcaktojnë çmimet e shërbimeve, e të cilat do të jenë shumë simbolike”, u shpreh kryetarja e odës farmaceutike të republikës së Maqedonisë së Veriut, Vesna Stavrova.

   

Farmacistët mund të shkruajnë te "Takimi im" vetëm nëse ka mungesë të një medikamenti, në mënyrë që pacienti të mos duhet të kthehet disa herë tek ofruesi i kujdesit parësor dhe në farmaci.