Maqedoni
Sot në Koçan është paralajmëruar protestë
17.03.2025 09:23
Në rrjetet sociale po qarkullojnë apele dhe në ora 13 është paralajmëruar protestë në Parkun e Qytetit....
Pas aksidentit tragjik në Koçan, ku humbën jetën mbi 59 persona, tashmë në rrjetet sociale po qarkullojnë apele ku në ora 13 është paralajmëruar protestë në Parkun e Qytetit.
“Kjo protestë është shprehje e dhimbjes dhe revoltës së thellë për jetët e humbura, por edhe për gjendjen në të cilën gjendemi si shoqëri. Ne nuk mund t'i kthejmë dot bashkëqytetarët tanë të dashur, por jemi të detyruar të luftojmë për nder të tyre dhe që ata të ndryshojnë këtë sistem joefikas që nuk ofron siguri, mirëqenie dhe drejtësi.
Qytetarët kërkojnë ndryshime konkrete. Ata do të luftojnë për një qytet pa punësime partiake, për institucione që funksionojnë, për polici që janë këtu për ne, për shërbime inspektimi që do të kryejnë detyrën e tyre, për hapësira publike që do të jenë të sigurta dhe të pastra. Protesta është për drejtësinë, për secilin prej nesh, për çdo viktimë që kemi humbur dhe për të gjithë ne që jetojmë çdo ditë në këtë qytet.
Është i nevojshëm rishikimi i ligjshmërisë së të gjitha objekteve hotelierike, veçanërisht picerive që kanë zgjeruar dhe legalizuar tarracat e tyre në mënyrë të paligjshme. Kafenetë që kanë zgjeruar ambientet e tyre në të gjithë një zonë tregtare dhe makinat e parkuara në trotuare, duke bllokuar shtegun e këmbësorëve, na krijojnë rreziqe. Nuk duhet të harrojmë se nuk po respektohet ndalimi për hedhjen e mbeturinave nga komunat tjera në deponi, ku mbeturinat u lejuan të hidhen atje me përcjellje policore.”, thuhet në postimin në faqen e Koçanit në Facebook.