Taravari: 10 pacientë lëshohen në shtëpi, pacientët tjerë në gjendje stabile shëndetësore

 

“12 janë në spitalin 8 Shtatori,25 janë në qendrën klinike, në spitalin e qytetit janë 11 dhe në Shtip është vetëm një pacient. Jashtë shtetit mjekohen 115 pacientë të gjithë në situatë relativisht të mirë përveç një pacientit që e kemi pak më kritik që është në Turqi. Mendojmë për të përgatitur protokollet për kthimin e këtyre pacientëve të cilët duhet ti pranojmë këtu në qoftë se ka nevojë për mjekim në spitale do të mbahen 1 ose disa ditë.”, deklaroi Arben Taravari, Ministër i Shëndetësisë.

 

 

Edhe drejtori i klinikës së Toksikologjisë Andon Çibishev, bën të ditur se të gjithë pacientët e hospitalizuar në Klinikën e Toksikologjisë janë në gjendje stabile shëndetësore.

 

“Fillimisht në Klinikën e Toksikologjisë janë pranuar gjithsej 20 pacientë. Prej tyre, për shkak të përkeqësimit të gjendjes së tyre, 13 janë transferuar në klinika të tjera, më së shumti në Klinikën për Anestezion, Reanimacion dhe Mjekim Intensiv e cila ka aparate të ventilimit mekanik. Të gjithë pacientët janë në gjendje stabile. Aktualisht në këtë Klinikë janë duke u trajtuar 7 pacientë të cilët kanë thithur një sasi të madhe të gazrave toksike derisa objekti digjej. Pacientët nuk kanë lëndime mekanike apo termike, por kryesisht dëmtime nga thithja nga tymi dhe gazrat.”, tha drejtori i klinikës së Toksikologjisë, Andon Çibishev.