Maqedoni
Nuk respektuan ditët e zisë, privohen nga liria dy persona
22.03.2025 15:46
Policia ka privuar nga liria dy persona për shkak se në lokal kanë lëshuar muzikë...
Policia ka privuar nga liria personin me iniciale F.A 26 vjeç dhe V.V 22 vjeç, të dy nga Shkupi, për shkak se në lokal kanë lëshuar muzikë, me çka nuk kanë respektuar vendimin e Qeverisë për shtatë ditë zi.
“Më 21/22.03.2025 në Shkup, në objektet hotelierike në zonën e Qendrës, zyrtarët policorë nga SPB Shkup kanë privuar nga liria F.A. (26) nga Shkupi dhe V.V. (22) nga Shkupi për shkak të dyshimit për kryerjen e veprës penale nga neni 387 të Kodit Penal. Gjatë ditës së djeshme në lokalet hoteliere ku ata janë përgjegjës është lëshuar muzikë, çka do të thotë se nuk është respektuar vendimi i Qeverisë për shtatë ditë zie. Menjëherë nga ana e zyrtarëve policorë të SPB-së Shkup u është hequr liria personave përgjegjës dhe pas dokumentimit të plotë të rasteve do të parashtrohen kallëzime përkatëse në lidhje me nenin 387 i Kodit Penal.”, thuhet në kumtesën e MPB-së.