BNJVL-ja, inspektime mbi objektet publike

 

“Po ndjejmë obligim që të ndërmarrim aktivitete në drejtim të kontrollimit të gjitha lejeve të dhëna për objektet që shfrytëzohen për grumbullimin e më shumë qytetarëve. Vendosmëria jonë është e madhe. Siguria e qytetarëve është të vend të parë. Andaj pas ngjarjes tragjike ne kemi ndërmarr një sërë aktivitete urgjente ku të gjitha komunat në mënyrë të koordinuar nga BNJLV-ja, filluan kontrolle të jashtëzakonshme inspektuese mbi të gjitha objekteve publike.”, tha kryetari i BNJLV-së, Orce Gjorgjievski.

 

Gjorgjievski madje tha se përvojat dhe kapacietet më të mira inspektuese po barten nga komuna në komunë, duke i vënë ato në dispozicion të plotë komunave që kanë nevojë për këtë, tha Gjorgjievski. 

 

 

Ndërkohë, Dekani i Fakultetit të Ndërtimtarisë në Shkup Goran Markovski, për Radio Evropën e Lirë thotë se opsesioni për profite të mëdha, duke anashkaluar ligjet dhe rregullat i çon një pjesë të investitorëve që të mos mendojnë për veprimet e tyre. Duke u thirrur në atë, se nëse gjithçka do të ishte konform ligjeve, rregullave dhe standardeve në sektorin e ndërtimtarisë, nuk do të kishte tragjedi dhe as viktima, Markovski e përshkruan sektorin e ndërtimtarisë si “Bashkim Kriminal”.

 

“Me siguri bëhet fjalë për një opsesion për profite më të mëdha dhe investitorët potencial duke u udhëhequr nga ky parim, sakrifikojnë rreziqet dhe pasojat që mund të vijnë nga kjo qasje. Këtu u bashkohen edhe ata që duhet ta korrigjojnë këtë qasje. Nuk do ta anashkaloja as edhe mjedisin inxhinjerik. Dhe, vijmë tek një Bashkim i përbashkët, do të thoja edhe Bashkim armiqësor ndaj shtetit, funksionimit të sistemit që rezulton me ngjarje të këtilla të padëshiruara.”, tha Dekani i Fakultetit të Ndërtimtarisë në Shkup, Goran Markovski.

 

Markovski është i bindur se mbi 80 për qind të objekteve ekzistuese, nuk i plotësojnë kushtet minimale ligjore për të cilën u është dhënë licenca apo leja e punës, respektivisht thotë se duhet të mbyllen. Markovski është i mendimit se sanimi i sistemit shoqëror fillon nga përgjegjësia dhe vijon më pas me përmirësimin e legjislacionit dhe përforcimin e kapaciteteve të të gjitha institucioneve.