Zgjedhjet e 11 majit në Shqipëri: Rama, Berisha e Basha shkëmbejnë akuza në distancë

 

Ndërkohë duket se Edi Rama ka sjellë në skenë ish-kryetarin demokrat Lulzim Basha, duke replikuar me të në mënyrë të vazhdueshme, e siç e komentojnë analistët, duke i dhënë rëndësi, në mënyrë që vota e opozitës të ndahet.

 

Pak janë të përqendruar në programet elektorale, ndërsa Edi Rama e ka përqendruar fokusin në premtimin për të futur Shqipërinë në Bashkimin Europian.

 

Ndërkohë këtë vit për herë të parë do të votojë edhe diaspora. KQZ miratoi sot projektvendimin për sasinë e fletëve që do të prodhohen, konkretisht 245 808 fletë votimi. Pas këtij vendimi të miratuar, do të nisë edhe prodhimi i fletëve në Slloveni, ku kompani Cetis do të printojë të parat ato që janë për t’u dërguar jashtë.

 

Fleta e votimit për zgjedhjet e 11 majit do të fluturojë në 85 shtete të botës.

 

Më 5 prill do të nisë procesi për përgatitjen e materialeve zgjedhore dhe më 10 prill pritet që fleta të dërgohet drejt zgjedhësve jashtë Shqipërisë.